十一點幾先醒.........
落街買少少野，之後返上樓煲卡通片~~~~~
今日唔想用腦，聽日先讀書........

心血來潮，想試多次煲粥，買左D免治牛黎試
上網亦都搵到煲粥既秘訣，睇完原來好多野我都唔知
之前問人，都無人講過首先要浸左d米一個鐘......

今次用較靚既白米黎煲，上次用d米較黃身的~~~~
唔用電飯煲，再用鋼煲黎試......至少有得控制下火候.......
淨係加左幾片薑、兩粒元貝同半pack碎牛，
但d米多得劑，D米愈發愈唔夠載，要轉大煲繼續煲.......
不過今次大成功，煮出黎好綿又夠味~~~~
完全搵唔到仲有飯粒既存在~~~~


用免治牛當碎牛，始終唔及粥鋪真正既碎牛好食........
煲粥最後我都係食唔哂，太多啦........留左D聽日再食.......

搞得掂個粥底，下次諗下有咩其他料買到用到先~~~~

今日Déborah last day，
二點全公司同事上左二樓食pizza，影影相~~~~~

今日陪Anna傾左一輪，佢話想跟我聖誕過澳門玩，
嗯，有機會再問清楚佢先，小尤好似要訂船飛有折.......

下晝又有MTN野做，又係今日內搞掂.......
做到六點先走，返屋企先
七點零落樓下買汽水薯片先過Guest House
之後再返上樓拎埋支紅酒落去飲~~~~~
差唔多九點先有得食

不過比我想象中人少，公司除左我之外，
淨係Caroline黎左..........Blonde & Lee都黎唔到~~~~
今次望清楚Déborah阿媽，佢後生應該幾靚女~~~~~

Caroline又整左果個Jelly Cake......好㊣!!!!!

Hea到11點半同Caroline走先，Aaron班fd仲未想走，
我就費時咁夜阻住人訓啦~~~~~~

返上左無無聊唔多願訓，發住呆聽下歌執下相.......
搞到四點先訓........

都係無乜野做，得閒到Chad係度整公司聖誕咭........
晏少少Kath有份mockup俾我消磨下.........

阿邪話19歲就識到我，22歲就跟左契弟......
所以計落輩份，我叫做契爺.........

Chad突然係skype同我、Kirsten、Warren & Caroline講，
整本相簿俾Déborah，用佢係影既相輯錄成~~~~
我即刻話，我可以提供d上次旅行，未曝光既絕密相出黎.......
即時引起哄動.......但我話本相簿要我走左，
Déborah走前先俾佢.......等佢知道都無仇報~~~~~~
又再全場爆笑........呢個時候Déborah開始發現我地講緊佢，
呢邊office有六個人，得佢一個唔知咩事.........
佢即刻skype問我做咩事，我即刻交左個波俾Caroline~~~~~~~
不過最後佢都唔知我地講緊咩~~~~~~
其實都只係得兩三張相，影得樣衰衰或好搞笑既相姐，
再加一兩張泳衣相，泳衣相佢都有upload去facebook，無問題啦

同Déborah行返去，係咁問我咩事？
我最多都只係講唔係聽日既事...........係下月尾既事
但呃佢話因為我到時都唔係度，所以詳細都唔清楚..........
總之佢睇到d相，我都遠走早飛係香港，真係無仇報囉........哈

夜晚同Cassandra傾MSN，傾到十點已經好眼訓，
十一點零攤落梳化一陣，咁就恰左著.......
醒來已經三點幾.......訓醒個肚有少少痛~~~~~
見到Anna搵我，傾左幾句突然唔見左人.........
拿拿打埋呢篇野上床訓覺~~~~~

Déborah最後一日返工，聽晚會去Guest House燒野食~~~~~~

返到公司，即刻開始清尋日擺埋一邊既工作
Ben再黎幾份一點前要搞掂既mockup........
Chad成十點半先返到，分左一兩份俾佢，
但佢竟然開餐，又薯條又燒雞，仲要撩Déborah玩~~~~
我行埋去同佢講份野好趕，一點前要俾阿Ben，
佢果陣返左黎半個幾鐘都未開始做...........

無耐又話有野要改，俾返兩份野我.........
佢要改其他野，我都知佢做咩，唔使五分鐘就搞掂啦.......
ok，你唔做，我做囉，反正之前都無旨意你幫手~~~~
做唔切有人問咪話無人幫手趕唔切囉~~~~

做到12點，佢行埋黎話搞掂可以幫我手.........
最後佢只係幫手做左一份，我要阿Ben俾多一個鐘時間，
兩點前先交哂俾佢.........
做好哂，佢又懶醒咁同阿Ben講做好哂，已經抄入server
不過又唔知頭唔知路，抄錯入其他folder，
我聽到但就扮聽唔到，即刻同Ben講，
我依家抄返所有野入原本既folder裡面.......

做到我真係好炆，同阿邪講，佢都話我好慶，爆哂粗咁........
我位置唔好開聲咋，唔係我吊撚左佢好耐啦~~~~
佢都唔撚係撈既~~~~
出年得返佢同我，都唔知點算..........

下晝完全無野做，係度執下部腦d file同檯面，
忙左咁耐，亂到九彩~~~~~~

收工前同Warren、Chad出去行左陣，
同Chad返黎時，話Warren知佢住得遠，俾佢晏d返，
但Murray知道就話唔多鍾意，仲話唔知自己錯乜........
我都無咩好講........Murray出糧同Warren出糧先？
香港地大把人返工時間都要成個鐘啦........
又幾多個可以因為咁可以晏返？仲可以準時收工？
之前都同Déborah討論過，住得遠係佢問題，唔係公司問題
Déborah都話Chad自己成日唔知醒之嘛............

原來我好認真果陣，真係唔好同我嘻皮笑臉玩玩下咁耍我，
仲要以為我咩都唔知，我最容易因為咁而即時撻著...........

八點鐘就返到黎，除左Warren之，
竟然差唔多全部人都返哂黎.......除左Chad之外
Warren尋日講好要八點到..........始終都係返唔到
佢都有火同Caroline講佢呢個係好大問題........
Chad八點半後先返到......Warren話左佢兩野就開始打仗
一日成三十幾個mockup要做........
其他人有野搵我做都要迴避~~~~~~

做到三點幾先得閒出去買野食，Warren問我食乜，
之後寫低張紙俾我去買........
買完返黎原來寫住只係Warren同Chad......
我要既又同Chad既一樣，我食緊時先知Chad無份......
Warren同佢share.......我見佢兩個鐘前都有食lunch，
完全無諗過佢仲要食..........入公司數無蝕底掛.......

做到七點幾又話買野食........我都唔肚餓
不過唔知做到幾點，都係叫左個意粉~~~~~

做到十一點我搞掂哂就走先.........
第一次咁夜行返屋企~~~~~~
返到去坐低一陣已經恰眼訓..............
十二點零就上床訓，聽日仲有大把其他野等緊我.......

一返到公司，Caroline即叫我拎張fax出黎，
打俾間書店，再confirm訂本書，
不過始終都要去銀行入數...........

Warren中午先返到黎，尋晚佢架車撞到人......
我同Chad就準備MTN份project......聽晚前要搞掂......

中午返去Gardens Centre入數，順便返上屋食野~~~~
順利既星期五本書就到書店，不過又要去Water Front.......

飯後Déborah帶左父母黎公司打招呼........
一家三口d身高完全一樣，佢老豆都比我想象中瘦削同矮~~~~

突然好多野做，MTN份project勁多野搞，
做到七點先走，聽朝八點要返到公司，
因為聽朝Warren九點半因為尋晚撞車要出去兩個鐘~~~~

呢排被輸入過多負能量，開始受到影響..........
需要tune一tune...........

好努力咁.......訓到10點前先起身...........

點零點落樓下入貨..........買完有少少覺得，
係咪買得多得劑呢，一個人買咁多生果幾時先食得哂？

望住窗外，有少少衝動想去沙灘hea下........
不過係時候執下打掃下間屋啦，玩左兩日都夠啦~~~~~

今日同Cassandra傾左好耐..........
我始終都係懷疑........佢係有問題的..............
佢所講所遇到既事，實在太難令人相信............
而我所提出既解決方法，佢只會用唔想做黎拒絕........
但除此之外，我又唔察覺佢有其他奇怪既一面..........

假若真的如我所料，我和這類人的緣份還真不淺，
我所遇到而又算得上認識的，她至少是第三個............

好似好耐無放假係屋度hea足成日~~~~~
好眼訓........十二點前就上床訓覺..........

準時九點半去到Guest House，
今次Déborah佢地真係準備好哂，
即刻行得~~~~不過有少少雨........

去到Water Front，Déborah要買定lunch，
我同佢買完，就唔見左Aaron一行人，
原來Aaron個fd去左排長龍買野食.......
明知就黎遲到仲搞d咁既野，Déborah有少少火，
之後我同Déborah、Lydia & Dylan去碼頭集合先~~~~~
見到Chad同佢老豆，唔係佢女友黎咩？

今次都好多人，不過亦都唔少人無黎........
一行總共廿幾人，細路都五六個~~~~~
十一點開船，開船後上左露天頂層坐，
又大風又有雨，我只有件短tee著住........
坐左半個鐘就到Robben Island，落船時已經成頭濕哂~~~~

上左間旅遊巴(仲以為全程行路)，
有導遊一路介紹沿途風景，兜左一圈就落車參觀前監獄~~~~
由另一導遊帶領介紹~~~~~~
參觀大倉，見到d碌架床，就諗起周潤發起雙飛既一幕~~~~~


再參觀重犯囚室，亦香港所謂既水飯房，
其中一間係前總統Nelson Mandela既囚室，
只有百零尺地方，擺左同當年一樣既擺設........
簡單都連床都無張，只係訓地下........


行哂就係出面影下相，慢慢行返去碼頭，

搭兩點既船返Cape Town~~~~
上船後開始放晴，頂層爆哂無得上，企左中層影相~~~~~

返到Water Front，同Caroline去搵間書店，諗住搵完自己hea下先返去，
但臨走時Déborah叫我搵完就打俾佢.......哦，咁是但啦~~~~

行勻全場都搵唔到，帶出黎張fax咁橋又無電話，最後都係要放棄，
星期一返去check下email睇下點先~~~~~

係Pack & Pay裡面搵Déborah時，入面突然有個中國人拍我，
傾兩句就遞左張小摺張俾我.........原來係"法輪功"，真係估佢唔到.........

同Déborah、Lydia & Dylan搭巴士去火車站，再行返屋企
行過火車站隔離既花墟，買左扎只係廿個大洋既鮮花，
抵過樓下Pick & Pay好多囉~~~~~~~

Dylan行到好累又扭我抱，Lydia之後去買野，
我就抱住Dylan，同Déborah返Guest House先，
未返到去Dylan已經訓著左.......放低Dylan後我就返上樓~~~~~

今日仲好似累過尋日，返到黎散散地~~~~~
飯都唔想煮，煎左牛扒，煮左個一丁麵食就算~~~~~~

聽日可以hea返日，執執屋~~~~

返到公司，以為自己去左沙灘......
個個都著Tee or 小背心，短褲加拖鞋~~~~~

Caroline幫我同書店訂左本書，
聽日去Water Front順便睇下有未先~~~~~

做到十點零就出發，唔係Waterfront上船，
而係另一個較遠遊艇碼頭~~~~~~
睇見d啤酒陣容真係嚇親.........
至少有六箱.........全船得十幾人，飲唔飲得哂呀........

上船放好哂d野，就開船出發~~~~~~

比想象中無咁熱，有d人仲話凍添~~~~~~
海面都幾大浪，拋到Blonde有少少暈船浪.........

去到Camps Bay附近等左陣，天氣少少轉壞，
突然無哂太陽，於是轉地方，
去左Water Front附近停低~~~~~
但因為都仲幾凍，無人肯落水.......
有d失望，自己游就無癮啦........

教識Warren同Chad玩(捶大Dee)同潛烏龜.......
佢地竟然完全唔識Full House之類既擺法.......
甚至唔知葵扇、紅心、梅花、階磚既大細次序........
Chad唔識唔出奇，Warren都唔識就有d意外~~~~~~

四點零回程到碼頭，飲剩既啤酒仲有好多........

跟車返左公司一陣，撻左兩塊生牛扒呢兩日食，
之後Kirsten車完Caroline去火車站，
就車我同Déborah返屋企~~~~~

返到去先發現漏左支太陽油係船度.........用左三次就無左......

今晚10點零又聽到十多下爆炸聲........Kirsten話尋晚都聽到........
我已經聽左好幾晚，每次都好震撼，
但Déborah竟然話無聽過..........
今晚聽完仲隱約見到有地方冒煙..........真係好想知咩事..........

約左聽朝九點半去到Guest House會合Déborah & Aaron一家，
再去Water Front join埋其他人一齊去Robben Island~~~~~~
不過聽日肯定無乜太陽，不過唔落雨都算囉~~~~~~

今日明顯地熱左好多..........加上罕有地無風.......
出面有少少蒸爐感覺.........

工作唔太忙~~~~問左Adam機票問題，
佢問我可唔可以我用咭碌左先..........
咁咪又責多條數係香港.......我呢度又無咭，
claim到都要換美金，帶返去先找到.......
大前題係我返HK前就claim到既話............
最後send左email俾Arthur，詳細解釋我情況，
想呢度公司直接出錢買，睇佢點覆啦~~~~~

終於記得問學校書名同地址，
中午就覆到我，要同書店訂，仲要銀行過數......
聽朝先搞~~~~~~

臨收工前想搞埋個render先走，做到六點前，
Simon有急件mockup做，聽朝就要.........
捱義氣做埋佢啦，Caroline見到戥我唔抵.......
仲大大聲話六點仲有野要俾我做........
唔知Simon聽唔聽到........
好少事姐，呢種情況又唔多，相比香港，
日日係咁都唔出奇啦.........

七點半先返到屋企，好熱.......稍為郁下都爆水.......
hea到12點攤左落梳化抖，唔使一分鐘已經訓著.......
訓到五點前先醒，返上床訓過.........
話時話張梳化都ok好訓喎~~~~~~